Keppendur G.Í. þau Elvar Ari, Natalía Ösp, Sigrún Gunndís og Hálfdán. (Mynd: skolahreysti.is).

Fimmtudaginn 26. apríl fer úrslitakeppnin í Skólahreysti fram í Laugardalshöll. Eins og fram hefur komið, þá tryggði G.Í. sér sæti í úrslitunum en fyrir skólann keppa þau Elvar Ari Stefánsson, Hálfdán Jónsson, Natalía Ösp Ómarsdóttir og Sigrún Gunndís Harðardóttir.

Sýnt verður frá úrslitakeppninni á RÚV kl. 20:05 og fylgjumst við að sjálfsögðu vel með og óskum okkar fólki góðs gengis.

Aftari röð: Elías Ari, Birkir, Jón Ómar og Hákon Ernir. Fremri röð: Tryggvi, Ísak, Andri Fannar og Sigurður Arnar.

Fimmta og síðasta deildarmót 5.flokks yngri í handbolta fór fram um nýliðna helgi á Akureyri. Strákarnir í handboltadeild Harðar sýndu sitt allra besta í þessu móti og skinu stemmningin, samheldnin, gleðin og vináttan í allar áttir að því er kemur fram á vef félagsins. Þess má geta að sumir af þessum strákum voru einnig að keppa á Andrésar andar leikunum og hömpuðu jafnvel verðlaunum þar, þannig að það var nóg að gera í íþróttunum þessa helgi hjá þessum krökkum.

Ísfirskir skíðakrakkar gerðu góða ferð á Andrésar andar leikana sem fram fóru í Hlíðarfjalli við Akureyri um helgina. Strax að kvöldi fyrsta keppnisdags voru komin í hús fimm gull, fimm silfur og þrjú brons. Daginn eftir sigraði a-sveit SFÍ í boðgöngu 12-14 ára en b-sveit félagsins hafnaði í þriðja sæti. Sömuleiðis sigraði a-sveit SFÍ í boðgöngu 9-11 ára.

Rúmlega fimmtíu keppendur frá Ísafirði tóku þátt í mótinu, bæði í alpagreinum og göngu. Keppt var í svigi, stórsvigi, hefðbundinni göngu og á brettum í fyrsta sinn.

Úrslit mótsins í heild er að finna á vef Skíðafélags Akureyrar. (Frétt af bb.is)

Nú fer í hönd löng helgi, þar sem sumardagurinn fyrsti er á morgun og vetrarfrí á föstudaginn. Við þökkum nemendum, fjölskyldum þeirra og velunnurum öllum fyrir veturinn.

Klysja á sviði í sal skólans

Í morgun hélt hljómsveitin Klysja tvenna stutta tónleika í sal skólans. Hljómsveitin spilaði nokkur lög til kynningar á væntanlegum diski sem hún mun gefa út í ágúst. Hljómsveitina skipa tveir nemendur úr G.Í. þeir Hákon Ari Halldórsson og Þormóður Eiríksson og fjórir menntskælingar þeir Arnar Logi Hákonarson, Benjamín Bent Árnason, Mateus Samson og Ísak Emanúel Róbertsson.

Þess má geta að hljómsveitin tók þátt í Músíktilraunum í síðasta mánuði og tróð einnig upp á tónlistarhátíðinni Aldrei fór ég suður.

Eva Margrét Kristjánsdóttir (mynd: http://kfi.is)

Eva Margrét Kristjánsdóttir, nemandi í 9. bekk G.Í. hefur verið valin í U15 ára landslið Íslands í körfubolta sem tekur þátt í alþjóðlegu móti í byrjun júní. Ísland hefur tekið þátt í mótinu undanfarin ár með góðum árangri, en U15 er fyrsta landsliðið sem fer á mót erlendis hjá KKÍ.
Eva Margrét hefur æft gríðarlega vel og hefur það svo sannarlega skilað sér í vetur. Eva Margrét mun ásamt félögum sínum í 10. flokki stúlkna taka þátt í úrslitakeppni Íslandmóts KKÍ sem fer fram 27. - 29. apríl næstkomandi í Reykjavík.
Frá þessu er greint á heimasíðu Körfuknattleiksfélags Ísafjarðar.

8. bekkur í náttúrufræðitíma

8. bekkur í náttúrufræðitíma

Magnús Þórir og Bjarni Pétur í 6. bekk voru í stærðfræði

Georg og Hlynur í 5.HS reiknuðu flatarmál og ummál á ýmsum hlutum í umhverfinu

Ellen og Lísbet í 5.HS spáðu líka í flatarmál og ummál

Ísabella, Hildur og Ásta í 5.HS í flatarmálsreikningi

Ásdís Halla og Ásthildur í 5.HS spá í flatarmálsútreikninga

Guðjón og Þráinn í 5.HS í mælingum

« 1 af 8 »

Í gær var einmuna veðurblíða sem margir árgangar nýttu sér til útináms. Sjá mátti hópa í ýmsum námsgreinum njóta góða veðursins eins og sjá má á meðfylgjandi myndum.

Íslandsmeistararnir Auður Líf, Bjarni Pétur, Ívar Tumi og Birkir. (Mynd: Skellur)

Allur hópurinn að loknu móti. (Mynd: Skellur)

« 1 af 2 »

Blakfélagið Skellur gerði góða ferð á seinni hluta Íslandsmóts yngri flokka í blaki sem haldið var í Kópavogi 14.-15. apríl. Félagið mætti með 6 lið til leiks og hafa aldrei áður verið svo mörg lið á vegum félagsins á Íslandsmóti.

Skellur 1 í 5. flokki varði Íslandsmeistaratitil sinn með því að vinna alla leiki á þessu móti 2-0. Í þessum flokki kepptu þau Birkir Eydal, Bjarni Pétur Jónasson, Ívar Tumi Tumason og Auður Líf Benediktsdóttir, nemendur í 6. bekk G.Í.

Skellur C varð í 2. sæti í deild C-liða og 4. flokks lið Skells krækti sér í 3. sæti í deild A-liða pilta.

Allar nánari upplýsingar um mótið má sjá hér á heimasíðu blakfélagsins.

Við óskum öllum þessum keppendum innilega til hamingju með árangurinn.

Foreldraverðlaun Heimilis og skóla - landssamtaka foreldra verða afhent í sautjánda sinn í Þjóðmenningarhúsinu miðvikudaginn 16. maí næstkomandi kl.14:00. Síðasti skiladagur tilnefningar er 1. maí 2012.

Samtökin óska eftir tilnefningum frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu skólastarfs og jákvæðu samstarfi heimila og skóla.
Foreldraverðlaun Heimilis og skóla beina sjónum að því fjölbreytta starfi sem fram fer í leik-, grunn- og framhaldsskólum landsins. Auk þess eiga verðlaunin að efla jákvætt samstarf heimila, skóla og nærsamfélagsins.
Stjórn og starfsfólk Heimilis og skóla tilnefna ekki verkefni til Foreldraverðlaunanna heldur vinnur dómnefnd úr innsendum tilnefningum sem berast á heimasíðu samtakanna og byggjast niðurstöður dómnefndar á gerinargerðum og rökstuðningi þeirra sem tilnefna.
Allar nánari upplýsingar ásamt tilnefningum er að finna hér á heimasíðu samtakanna.