VALMYND ×

Solveig Amalía las til sigurs

Mariann, Solveig Amalía og Anja Karen
Mariann, Solveig Amalía og Anja Karen
1 af 2

Lokahátíð Stóru upplestrarkeppninnar fór fram í Hömrum í gær. Þar lásu 12 nemendur úr 7. bekkjum grunnskólanna á Ísafirði, Suðureyri, Flateyri og Bolungarvík sögubrot eftir Sigrúnu Eldjárn og ljóð eftir Ólaf Jóhann Sigurðsson. Ennfremur lásu nemendur eitt sjálfvalið ljóð.

Dómarar keppninnar voru þau Þorleifur Hauksson, Anna Þorbjörg Ingólfsdóttir, Dagný Arnalds, Heiðrún Tryggvadóttir og Jónína H. Símonardóttir. Það var ekki auðvelt val að velja 3 bestu lesarana, en úrslit urðu þau að Solveig Amalía Atladóttir, G.Í. sigraði, Mariann Rähni, GB, hafnaði í öðru sæti og Anja Karen Traustadóttir, G.Í. í því þriðja.

Við óskum öllum lesurum innilega til hamingju með frábæra frammistöðu.